|
Song :
Chorus:
For we're no' awa' tae bide awa',
For we're no' awa tae le'e ye,
For we're no' awa' tae bide awa',
We'll aye come back an' see ye.
As I gaed doon by Wilsontoon
I met auld Johnnie Scobbie,
Says I to him will ye hae a hauf,
Says he, 'Man! That's my hobby.'
Chorus:
So we had a hauf an' anither hauf,
And then we had anither,
When he got fou' he shouted
'Hoo!
It's Carnwath Mill for ever.'
Chorus:
We wandered doon the street again
We cleekit unco cheery,
When John got hame his wife cried shame,
I see you're enjoyin' your hobby.
Chorus:
Of a' the friens that ere I kenned,
There's nane like Johnnie Scobbie,
His hert is leal, he's true as steel,
An' a hauf is aye his hobby.
Chorus:
So whenever friendly friens may meet,
Wherever Scots foregather,
We'll raise our gless, we'll shout
Hurroo,
It's Carnwath Mill for ever.
Chorus:
|
